Dr Muligande yavuye imuzi ibibazo biri muri Kaminuza ya Singapole ya Kagame

Dr Muligande yavuye imuzi ibibazo biri muri Kaminuza ya Singapole ya Kagame

• Leta ntishoboye gutera inkunga y'amafaranga ihagije abanyeshuli bo muli Kaminuza. Ibyo yita inguzanyo idaha bose, n'abo iyahaye iyisubiza kabili: irayabishyuza iyo barangije kwiga kandi yaranayisubije muli school fees z'umurengera.
• Kutagira ubwisanzure na busa mu kwiga: Kwiga ishami utegetswe. Kutagira ubushobozi bwo guhindura, wabikora bikakugiraho ingaruka n'iterabwoba nk'iryo muli iyi tweet y'abayobozi ba Kaminuza nyarwanda.
• Kutangana imbere y'amategeko. Hali ababona inguzanyo abandi ntibazibone, bacibwa amafaranga y'ishuli mu kajagali ku buryo butangana, hali abahurirwaho n'inkunga z'imiryango myinshi itandukanye abandi bakirya bakimara, ...
• Ntibyumvikana ko Leta ihora ivuga ko ishishikaliza abanyeshuli kwiga ibijyanye n'imyuga (technics) aho kwiga iby'inyigisho rusange, yajya kubaca scholar fees igaca iyo umurengera abiga iby'imyuga naho abiga ibyo ubumenyi rusange akaba alibo ica make!!! Ngira ngo byagombye kuba ibinyuranye n'ibi !!! Kuki halihoubwo busumbane buzana akajagali ?
• Kuki ibyemezo bifatwa n'inzego zitandukanye z'igihugu wagira ngo bifatwa n'abantu b'injiji aliko wajya kubareba ugasanga ali intiti?
• Kuki amasomo y'ubumenyi rusange yagabanilijwe igihe agashyirwa ku myaka itatu aho kuba ine, ese imyaka itatu n'ireme baba baravanye mu mashuli yisumbuye iba hali icyo ibasigiye cyangwa baba babapfunyikiye amazi?
• Carnegie Mellon University yageze mu Rwanda ibura abo yigisha kubera ireme 
• Kuki bashyira uburezi mu maboko y'abanyamahanga. Ni hahandi ntibashobora gukora ibyo Leta itababwiye, byarutwa rero no gukoresha abanyagihugu nibora abashomeri bakagabanuka. None se ukwigira bishyirwa mu ki ntibishyirwe mu ki